پاک امریکا ڈو طرفہ تعلقات دے حالیہ تناظر اچ ڈوہائیں ملک سانجھے ذمہ دارہن جوا وہ افغانستان اچ استحکام اتے دہشت گردی مکاونڑ سانگے ہکی جئے مقاصد دے حصول کیتے رل مل تے کم کرین، سکیورٹی امداد کوں روکنڑ دے ٹرمپ انتظامیہ دے فیصلے دے باوجود پاکستان افغانستان اچ امریکی اتے اتحادی فوج دی معاونت دا عمل جاری رکھیسی،

واشنگٹن (پاکستان نیوزپوائنٹ29جنوری2018ء) امریکا اچ پاکستان دے سفیر اعزازاحمد چوہدری آکھے جو پاک امریکا ڈو طرفہ تعلقات دے حالیہ تناظر اچ ڈوہائیں ملک ہکی جئے ذمہ دارہن جوا وہ افغانستان اچ استحکام اتے دہشت گردی کوں مکاونڑ دے سانجھے مقاصد دے حصول سانگے رل مل تے کم کرین۔ انہاں آکھیا جوجنوبی ایشیاءدے خطے اچ امن دے قیام سانگے پاکستان تے امریکا رل مل تے کوششاں کریندے پن جیرھا جوعالمی امن سانگے وی ضروری ہے۔

انہاں امید ظاہر کیتی جو ڈوہائیں ملکاں دی قیادت اپنڑے قومی مفادات تے سمجھوتا کیتے بغیر قیام امن سانگے سانجھالائحہ عمل بنڑاونڑ اچ کامیاب تھیسی۔ ”اے پی پی“ کو ںڈتے گئے ہک تفصیلی انٹرویودے دوران پاکستانی سفیر پاکستان دی سکیورٹی امداد کوں بند کرنڑ دے حوالے نال امریکی صدر دے حالیہ فیصلے دی وجہ نال ڈوہائیں ملکاں دے آپس دے تعلقات دی صورتحال تے تبصرہ کریندے ہوئیں نہاں آکھیا جو میں کانگریس دے کئی اراکاناں، سینیٹرز اتے امریکی انتظامیہ دے اعلیٰ حکام نال ملاقاتاں کیتیاں ہن ،جن ہاں وچوں اکثر ا یہ آکھے جو پاکستان کوں سانجھے مقاصد دے حصول سانگے رل مل تے کم کرنڑ دی ضرورت ہے۔

پاکستانی سفیرآکھیا جو امریکا سمیت سارے ملکاں نال چنگے تعلقات پاکستان دی ضرورت ہن پر ایہ تعلقات آپس اچ عزت اتے احترام دے رشتے تے مبنی ہونڑ چاہیدن۔ انہاں آکھیا جو پاکستان امریکا تے واضح کیتا ہے جواساکوںکہیں قسم دی امداد دی ضرورت کائنی ہے۔ در حقیقت امریکا پاکستان کوں دہشت گردی دی جنگ تے تھیونڑ آلے اخراجات دی ادائیگی کریندا ہا جیرھے جو ہنڑ روک گھدے گن ۔

امریکی الزامات تے تبصرہ کریندے ہوئیں انہاں آکھیا جو دہشت گردی دی معاونت اتے پاکستان اچ انہاں دیاں محفوظ پناہ گاہواں دے الزام حقیقت دے برعکس ہیں۔ انہاں آکھیا جو قومی اتفاق رائے نال فیصلہ کیتا گئے جو ملک وچوں دہشت گردی منڈھوں مکائی ویسی اتے مسلح افواج کہیں رعائیت دے بغیر سارے دہشت گرد گروپاں کوں نشانہ بنڑیندی پئی ہن۔ انہاں آکھیا جوپاکستان دہشت گرداں سانگے اپنڑی زمین تنگ کرڈتی ہے اتے اساں اپنڑے ملک وچوں افغان مہاجراں دی مکمل واپسی چاہندوں ،جنہاں دی وجہ نال ملک دی سلامتی دے مسائل پیدا تھیندے پن۔

پاکستانی سفیر آکھیا جو پاک افغان سرحد تے باڑ لاونڑ سانگے پاکستان دی حکومت اقدامات کریندی پئی ہے اتے سرحد دے آر پار غیر قنونی سرگرمیاں مکاونڑ سانگے 2600کلومیٹر لمبی سرحد تے حفاظتی باڑ لاتے ویسی اتے چوکیاں بنڑائیاں ویسن۔ ہک سوال دے جواب تے انہاں آکھیا جوجنوبی ایشیاءبارے اچ اپنڑی نویں حکمت عملی دے تحت ٹرمپ انتظامیہ افغانستان اچ بھارت دے کردار اچ ودھ توں ودھ ودھارے دا خواہش مند ہے لیکن بھارت افغانستان اچ اپنڑی موجودگی توں فائدہ چیندے ہوئیں اینکوں پاکستان دے خلاف استعمال کریندا پئے ۔

انہاں آکھیا جو پاکستان دے جوہری ہتھیاراں دے حوالے نال ظاہر کیتے ونجنڑ آلے خدشات اچ کوئی حقیقت کائنی ہے اتے پاکستان دے جوہری ہتھیار محفوظ ہتھاں اچ ہن ۔پاکستانی سفیرآکھیا جو جوہری ہتھیاراں دی حفاظت سانگے کمانڈ اینڈ کنٹرول دا چنگا نظام موجود ہے اتے اساڈا جوہری پروگرام پرامن مقاصد سانگے ہے ،جیندے تے کوئی سمجھوتا کائناں کیتا ویسی۔ اپنڑے انٹرویو اچ انہاں پاک امریکا کوں ہک بئے کوں تعاون دی ضرورت تے زور ڈیندے ہوئیں آکھیا جو امریکا اچ رہونڑ آلی پاکستانی برادری کانگریس سمیت سینیٹ اتے امریکی انتظامیہ دے سامنڑے پاکستانی مو ¿قف کو ں چنگے طریقے نال پیش کرنڑ سانگے اپنڑاںکردار ادا کریندی پئی ہے۔