لیبیا دے علاقے بن غازی اچ ڈو کار بم دھماکیاں اچ 27 بندے ہلاک تھی گن

بن غازی (پاکستان نیوزپوائنٹ24جنوری2018ء) لیبیا دے ساحلی شہر بن غازی اچ ڈو انج انج کار بم دھماکیاں اچ 27 بندے ہلاک تھی گئے ہن ۔ بدھ کوں عالمی میڈیا بن غازی دے الجالا ہسپتال دی ترجمان فدیا البر غا تی دے حوالے نال ڈسایا جو دھماکیاں دے نتیجے اچ27بندے ہلاک جڈانجو 20توں 30بندے زخمی تھئے ہن۔ ودھ سارے زخمیاں دی حالت تشویشناک ہے اتے ہلاکتاں اچ ودھارے دا خدشہ ہے ۔ سکیورٹی ذرائع ڈسای جو السلیمانی دے علاقہ اچ مسیت دے سامنڑے بارودی مواد نال لڈی ہوئی گاڈی اچ زور دار دھماکہ تھیا ۔ ایںدھماکے دے ادھ گھنٹے بعد ایں علاقے اچ ڈوجھا کار بم دھماکہ تھیا ۔ہلاک تے زخمی تھیونڑ آلیاں اچ سکیورٹی اہلکار وی شامل ہن۔