واشنگٹن (پاکستان نیوزپوائنٹ24جنوری2018ء) امریکا آکھیے جو صدر ڈونلڈ ٹرمپ اجوکے ہفتے دے چھیکڑ اچ سوئٹزر لینڈ دے شہر ڈیووس اچ تھیونڑ آلے سالانہ عالمی اقتصادی فورم اچ ملک دے اقتصادی مفادات دا بہترین دفاع کریسن۔حکومت دی خواہش ہے جو دنیا امریکا اچ سرمایہ کاری کرے جیں نال اساڈی محنت کش شہریاں کیتے روزگار دے موقع پیدا تھیسن۔وائٹ ہاﺅس توں جاری بیان دے مطابق صدر ڈونلڈ ٹرمپ اجوکے ہفتے دے چھیکڑ اچ ڈیووس دے تفریحی مقام تے منعقد تھیونڑ آلے سالانہ عالمی اقتصادی فورم اچ اپنڑے ملک دی نمائندگی کریسن جتھاں او جمعے دے ڈینھ خطاب ویکریسن ۔
انہاں آکھیا جو صدر ٹرمپ ملکی مفادات دے حوالے نال امریکہ ساریں توں پہلے دے نظریے تے قائم ہن او سالانہ عالمی اقتصادی فورم توں اپنڑے پہلے خطاب دے دوران ملک دے اقتصادی مفادات دا بہترین انداز اچ تحفظ کریسن ۔اقتصادی امور دے حوالے نال امریکی صدر دے مشیر گیری کوہن آکھیے جو ڈونلڈ ٹرمپ عالمی اقتصادی فورم دے شرکاءکوں ملکی اقتصادی ترقی اتے ملک اچ کاروباری آزادی متعلق وی گال کریسن۔انہاں آکھیے جو صدر ٹرمپ کاروبار دوست پالیسیاں تے ٹیکس اچ گھٹکی دے ایجنڈے تے عمل پیرا ہن ،ودھ سارے ٹیکساں اساڈی معیشت کوں ضیان پجائے ۔حکومت چاہندی اے جو دنیا امریکہ اچ سرمایہ کاری کرے جیں نال اساڈے محنت کش شہریاں کیتے روزگار دے موقع پیدا تھیون ۔
