شاہ سلمان بن عبدالعزیز آل سعوددی دعوت تے ڈو بھارتی بھینڑیں دی ریاض کیمل میلے اچ شرکت

ریاض(پاکستان نیوزپوائنٹ18جنوری2018ء) سعودی عرب اچ سالانہ کنگ عبدالعزیز کیمل فیسٹیول اچ شاہ سلمان بن عبدالعزیز آل سعود دی خصوصی دعوت تے ڈو بھارتی بھینڑیں شرکت کرتے ریت دے فن پارے بنڑائے۔ سعودی اخبار دے مطابق شاہ سلمان بن عبدالعزیزدی دعوت تے 2 بھارتی بھینڑیں ریاض اچ تھیونڑ آلے کنگ عبدالعزیز کیمل میلے اچ شرکت دے بعد میڈیا نال گال بات کریندے ہوئیں ڈسایا جو او شرکت دی دعوت تے بہوں خوش ان تے ہنڑ مٹی تے ریت دے فن پارے تیار کرنڑ اچ مصروف ان ۔انھاں آکھیا جو اساں بہوں سارے مجسمے تے ماڈلز بنڑائے جیں اچ سعودی عرب دے نقشے تے وژن 2030شامل اے ۔