ترک صدر رجب طیب اردوان پوپ فرانسس نال ملاقات کریسن

ویٹی کن سٹی (پاکستان نیوزپوائنٹ17جنوری2018ء) ترکی دے صدر رجب طیب اردوان کیتھولک مسیحیاںدے روحانی پیشوا پوپ فرانسس نال وختی ملاقات کریسن۔ ویٹی کن پریس آفس دے مطابق ترکی دے صدر تے کیتھولک مسیحیاں دے روحانی پیشوا وچال ملاقات 5فروری کوں طے پاتی ہے ۔ترک صدر دا ویٹیکن دا اے پہلا دورہ ہوسی۔ پوپ فرانسس اتے ترک صدر وچال آندے مہینے تھیو نڑ آلی ملاقات متعلق تفصیل کائنی ڈتی گی ۔واضح رہے جو گزریل دسمبر اچ صدر اردوان پوپ فرانسس ٹیلیفون تے بیت المقدس دے جھیڑے تے گال بات کر چکے ہن۔