میامی (پاکستان نیوزپوائنٹ17جنوری2018ء) امریکی طبی ماہرین آکھیے جو پیدائش دے بعد چھی مہینے توں ودھ عرصے تئیں ماءدا کھیر پیونڑ آلیاں تریمتاں دے زیا بیطس اچ مبتلا تھیونڑ دا خطرہ 47فیصد تئیں گھٹ تھی ویندے ۔اے گال امریکی طبی ماہرین 12سو امریکی تریمت تے 30سال تئیں کیتی گی مطالعاتی تحقیق دے بعد ڈسائی ۔ جرنل آف دی امریکن میڈیکل ایسوسی ایشن اچ شائع تھیونڑ آلی رپورٹ مطابق جیرھیاں تریمتاں جمنڑ دے بعد گھٹ توں گھٹ چھی مہینے تئیں ماءدا کھیر پیتے ،انہاں دے ذیا بیطس ٹائپ ٹو اچ مبتلا تھیونڑ دی شرح انہاں تریمتاں توں 47فیصد تئیں گھٹ ہئی جنہاں پیدائش دے بعد ماءدا کھری بالکل نہ پیتا ہئی ۔
رپورٹ دے مطابق جیرھیاں تریمتاں چھی مہینے توں گھٹ عرصے اپنڑی ماءدا کھیر پیتا انہاں دے ذیا بیطس اچ مبتلا تھیونڑ دی شرح 25فیصد ڈٹھی گی ۔ ماہرین دے مطابق ودھ عرصے تئیں ماءدا کھیر پیونڑ آلے بالاں دے جسم اچ خون اچ انسولین دی مقدار کوں مناسب رکھنڑ آلا نظام زیادہ فعال ہوندے۔
