ایران دے نال ایٹمی معاہدے تے نظرثانی ضروری ہے، سعودی وزیر خارجہ

برسلز (پاکستان نیوزپوائنٹ17جنوری2018ء) سعودی وزیر خارجہ عادل الجبیر واضح کر ڈتے جو ایرانی نظام سعودی عرب تے حملے کیتے حوثیاں کوں بیلسٹک میزائل ڈتے ہن۔ عالمی میڈیا دے مطابق برسلز اچ بیلجیم دے ہم منصب نال ملاقات کریندے ہوئیں انہاں توجہ ڈیوائی جو ایران دے نال ایٹمی معاہدے تے نظر ثانی کرنڑیں ہوسی ۔سعودی وزیر خارجہ آکھیا جو ایران کوں یورینیئم دی افزودگی توں روکنڑ کیتے پابندی لاونڑیں پوسی ۔ایران خطے اچ ساریں توں ودھ خطرے پیدا کونڑ آلا ملک اے ۔ لبنان، یمن ، شام اچ ایران دیاں تخریبی سرگرمیاں ساریں دے سامنڑے ان۔