یمنی جنگ اچ 5ہزار بال زخمی تے ہلاک تھن، 11 لکھ بالاں کوں وختی امداد دی ضرورت اے ، یونیسف

اقوام متحدہ (پاکستان نیوزپوائنٹ17جنوری2018ء) اقوام متحدہ اچ بالاں دی بہبوددے عالمی ادارے یونیسیف آکھیے جو یمن اچ جاری جنگ پاروں 5ہزار توں ودھ بال ہلاک تے زخمی تھے ہن جڈاں جو چارلکھ بال خوراک دی گھٹکی دا شکار تھے ہن ۔یمن دے دارالحکومت صنعا توں یونیسیف جاری اعداد و شمار دے مطابق مارچ 2015اچ شروع تھیونڑ آلے جھیڑے پاروں 5ہزار بال زخمی تے ہلاک چار لکھ دے نیڑے خوراک دی گھٹکی دا شکار تے ڈو لکھ بال سکول ونجنڑ توں محروم تھے ہن ۔یونیسیف آکھیے جو یمن اچ 11لکھ بالاں کوں انسانی بنیاداں تے وختی امداد دی ضرورت اے ۔