وسطی جاپان دے سمندر اچ مچھیریاں دی ترٹی بھجی بیڑی توں 8 لاشاں مل گین

ٹوکیو(پاکستان نیوزپوائنٹ16جنوری2018ء) وسطی جاپان دے سمندر اچ مچھیریاں دی ترٹی بھجی بیڑی توں 8 لاشاں مل گین۔جاپانی اتنظامیہ موجب اے بیڑی ساحلی علاقے کنزاوا دے نیڑے سمندر اچ ملی جیندے اچ اٹھ گلیاں سڑیان لاشاں پیاں ہن۔جاپانی کوسٹ گارڈز بیڑی کوں ہک بئی ” بھوت بیڑی“(گھوسٹ شپ )قرارڈتے۔پُرانڑیاں ہونڑ پاروں لاشاں دی سنجانر نئیں تھی سگدی۔ بیڑی توں تمباخوں دے ڈبے،شمالی کوریا دے رہنما کم جونگ ال دی تصویر آلے بیج اتے کوریائی زبان اچ لکھیے خط ملین۔کوسٹ گارڈ موجب گذریل سال وی اینجھے 104واقعے تھین جیندے اچ بھوت بیڑیاں دی تعداد 66 ہئی۔