میانمار(پاکستان نیوزپوائنٹ16جنوری2018ء) جاپان دے وزیر خارجہ تارو کونو روہنگیا مسلماناں دی واپسی کیتے تیاریاں دا جائزہ گھننڑ کیتے مغربی میانمار پج گن۔ جاپان دے ذرائع ابلاغ مطابق وزیر خارجہ تاروکونو میانمار دے ہک فوجی ہیلی کاپٹر دے ذریعے ریاست رخائن پجے ہن جتھاں انہاں روہنگیا مسلماناں دی واپسی کیتے تیاریاں دا جائزہ گھدا ۔تار کونو سرحد دے بنگلہ دیش اچ داخل تھیونڑ آلی جاہ تئیں گے ۔
انہاں دریا تے ایں پل دا دورہ کیتا جتھاں بنگلہ دیش توں واپس آونڑ آلے پناہ گزین استعمال کریسن ۔جاپانی وزیر خارجہ میڈیا نال گال کریند ے ہوئیں آکھیا جو کئی وستیاں ساڑ ڈتیاں گن تے صورت حال بہوں سنگین ہے تاں جو پناہ گزیناں دی واپسی تے عام زندگی دی بحالی کیتے بہوں کجھ کرنڑاں ہوسی ۔انہاں آکھیا جو جاپان دی حکومت انجھ تھیونڑ آلیاں برادریاں وچال مصالحت اچ مدد کیتے اپنڑی پوری کوشش کریسی ۔واضح رہے جو کہیں وی غیر ملکی وزیر خارجہ دا مذکورہ علاقے دا اے پہلا دورہ ہے.
