مقبوضہ بیت المقدس دے حوالے نال بنڑن آلی صورتحال تے تشویش ہے، پوپ فرانسس

ویٹیکن سٹی (پاکستان نیوزپوائنٹ 07دسمبر2017ء) کیتھولک عسائیاں دے روحانی پیشوا پوپ فرانسس مقبوضہ بیت المقدس دی صورت حال تے تشویش دا اظہار کیتے۔ ذرائع ابلاغ مطابق ویٹیکن وچ عوام نال خطاب کریندے ہوئیں پوپ امید ظاہر کیتی جو ایں معاملے وچ حکمت تے دانائی نال کم کرنڑ چاہیدے تاں جو پہلے توں ہی عالمی سطح موجود تنازعات تے نویںکشیدگی نہ بنڑے۔ پوپ ایں موقع تے ساریاں حلقیاں توں مقبوضہ بیت المقدس دی موجودہ حیثیت اتے اقوام متحدہ دیاں قرار داداں دا احترام کرنڑ دی درخواست کیتی ہے۔ پوپ آکھیاجو مقبوضہ بیت المقدس ہک منفرد شہر ہے، ایہ مسلماناں، عیسائیاں اتے یہودیاں کیتے ہک مقدس شہرہے۔