لیبیا دے کوسٹ گارڈز کوں یورپی یونین تربیت ڈیسی

طرابلس (پاکستان نیوز پوائنٹ 31اگست 2016ء) یورپی یونین دے نمائندیں انسانی اسمگلنگ روکنڑ سانگے خصوصی اپریشن دی منظوری ڈے ڈتی ہے۔ ایں منظوری دے بعد یونین دا بحیرہ روم اچ جاری اپریشن وسیع کرڈتا ویسی۔ ایں مشن دے تحت شورش زدہ ملک لیبیا دی سمندری نگرانی سانگے دستیں کوں خصوصی تربیت ڈیونڑ دی منظوری ڈتی گی ہے۔ گھٹ توں گھٹ 1 سو لیبیائی کوسٹ گارڈز کوں 14 ہفتے دی ٹریننگ ڈتی ویسی۔ گزریل سال توں شروع تھیونڑ آلے ایں خصوصی مشن دا ناں اپریشن صوفیہ رکھیا گیا ہے،ایں مشن ہنڑ تئیں تقریبا 22ہزار انساناں کوں بڈ ونجنڑ توں بچایا ہے ۔ایندے علاوہ 87انسانی سمگلراں کوں وی حراست اچ گھدا ہے ۔