ریاض (پاکستان نیوز پوائنٹ 30اگست 2016ء) خادم الحرمین الشریفین شاہ سلمان بن عبدالعزیز فلسطینیاں دے نال جذبہ خیرسگالی دے تحت فلسطینی شہیداں تے اسیران دے ہک ہزار لواحقین دے ریاض حکومت دی میزبانی اچ حج دے انتظامات دا حکم ڈتا ہے۔سعودی فرمانروا شاہ سلمان بن عبدالعزیز متعلقہ حکام کوں ہدایت کیتی ہے جو او حسب روایت فلسطینی شہیداں اتے اسیران دے ہک ہزار خاندان سانگے سنہ 1437ھ دے حج دے موقع تے سرکاری خرچے تے حج دا اہمتام کرن ۔
خادم الحرمین خصوصی حج پروگرام دے انچارج اتے وزیر مذہبی امور ودعوت ارشاد الشیخ صالح بن عبدالعزیز بن محمد آل الشیخ شاہ سلمان ولوں ہک ہزار فلسطینیاں دے حج دا حکم ڈیونڑ تے انہاں دا خصوصی شکریہ ادا کیتا ہے ۔ الشیخ صالح الشیخ دا آکھنڑ ہے جو شاہ سلمان دا مظلوم فلسطینی بھراواں دے نال اخوت تے محبت دا جذبہ قابل تحسین ہے ۔
