مسلم ملک آپس دے اختلاف بھلا تے انسانیت دی خدمت کوں شعار بنڑاون ،ترک وزیراعظم

استنبول (پاکستان نیوزپوائنٹ02نومبر2017ء) ترک وزیر اعظم بن علی یلدرم اسلامی ملکاں کوں آکھیا ہے جو او اپنڑی تہذیبی تے تاریخی شناخت کوں دوبارہ حاصل کرنڑ سانگے آپس دے اختلاف کوں بھلاونڑ دی کوشش کرن تے انسانیت دی خدمت کوں اپنڑاں فرض سمجھن ۔ وزیراعظم اے گالھ استنبول اچ منعقدہ 8 ویں امان یونین دے سالانہ اجلاس اچ آکھی ۔انھاں آکھیا جو مسلم ملکاں کوں آپس دے اختلاف بھلا تے سائنسی علوم تے توجہ ڈیونڑیں ہوسی ۔اج دی مغربی دنیا اچ سلام دا ناں ،ڈ رتے نفرت تے انسان دشمنی دا نام نہاد علامت بنڑدا پیا ہے جیں کوں ختم کرنڑاں اساڈی ذمے واری ہے