یورو زون دی آبادی 340 ملین، بے روزگاری دی شرح 9 فیصد توں گھٹ تھی گی

برسلز(پاکستان نیوزپوائنٹ یکم نومبر2017ء) 19ملکاں تے مشتمل یور وزون اچ بے روزگاری دی شرح 9فیصد توں تلے آگی ۔ یورپی شماریاتی ادارے یورو اسٹیٹ دے مطابق ایں خطے اچ بے روزگاری دی شرح ہنڑ تئیں مزید گھٹ تھی تے 8.9فیصد رہ گی ہے جیرھا جو ہک مہینے پہلے نو فیصد ہئی ۔دفتر شماریات مزید ڈسایا ہے جو ایند مطلب ہے جو یورو زون اچ اقتصادی بحالی دا عمل تکھے جاری ہے ۔ یورپی مشترکہ کرنسی یورو استعمال کرنڑ آلے ملکاں دی تعداد 19 اتے انہاں دی مجموعی آبادی تقریباً 340 ملین ہے۔