کیلیفورنیا (پاکستان نیوزپوائنٹ31اکتوبر2017ء) فیس بک آکھیا ہے جو گزریل ڈو سالاں اچ روس اچ تھیونڑ آلیاں سرگرمیاں دے دوران جیرھا مواد نشر کیتا گیا او 12.6کروڑ امریکیاں تئیں پجا ہے ۔برطانوی نشریاتی ادارے دے مطابق سوشل میڈیا ویب سائٹ آکھیا ہے جو 2016دے صدارتی انتخابات توں پہلے تے بعد اچ روس ولوں 80ہزار پیغام نشر کیتے گے جیں دی اکثریت معاشرے کوں ونڈنڑ آلے سیاسی تے سماجی پیغام تے مشتمل ہئی ۔
فیس بک آکھیا ہے جو اے پیغام ہک ایجھی کمپنی نشر کیتے ہن جیں دا تعلق کریملن نال ہے ۔واشنگٹن پوسٹ دے مطابق سنوا ر کوں فیس بک اے انکشاف وی کیتا ہے جو روسی ٹرولز یو ٹیوب تے ہک ہزار توں ودھ ویڈیو وی نشر کیتیاں ۔ایں دوران برطانوی خبر رساں ادارے ٹوئٹر دے حوالے نال ڈسایا ہے جو ایں 2752اکاﺅنٹس دا کھوج لاتا جیرھا جو انٹر نیٹ ریسرچ ایجنسی ناں دی کمپنی چلیندی پئی ہے ۔
