ترکی توں یورپ ونجنڑ دی کوشش کرنڑ آلے 434بندے گرفتار

استنبول (پاکستان نیوزپوائنٹ31اکتوبر2017ء) ترک سکیورٹی فورسز غیرقانونی طریقے نال یورپ ونجنڑ دی کوشش کرنڑ آلے 434لوکاں کوں گرفتار کر گھدا ہے ۔ترک ذرائع ابلاغ دے مطابق ترکی دی سیکورٹی فورسز غیر قانونی طریقے نال یونان تے بلغاریہ ونجنڑ دی کوشش کرنڑ آلے 434لوکاں کوں گرفتار کر گھدا ہے ،جنہاں دا تعلق مراکش، میانمار، بنگلہ دیش اتے شام توں ڈسایا گیا ہے ۔معلومات دے مطابق سرحدی سیکورٹی علاقیں توں غیر قانونی طریقے نال یورپ ونجنڑ دی کوشش کرنڑ آلیں کوں حراست اچ گھدا گیا ہے ۔حکام دے مطابق گرفتار کیتے گے انہاںلوکاں کوں ایدرے امیگریشن ڈائریکٹو ریٹ دے حوالے کر ڈتا گیا ہے جتھاں ضروری کاروائی دے بعد انہاں کوں ملک بدر کر ڈتا ویسی ۔