پاکستان دے مندوب فرخ عامل دا اقوام متحدہ دی جنرل اسمبلی دیتخفیف اسلحہ تے سلامتی کمیٹی دے اجلاس توں خطاب

اقوام متحدہ (پاکستان نیوزپوائنٹ18اکتوبر2017ء) پاکستان اتلے خلا ہتھیاراں توں پاک کرنڑ تے اینکوں تحقیقی تے پر امن مقصد سانگے استعال کرنڑ دی ضرورت تے زور ڈتا ۔اے گالھ جینیوا اچ اقوام متحدہ اچ پاکستان دے مندوب فرخ عامل جنرل اسمبلی دی تخفیف اسلحہ تے سلامتی کمیٹی دے اجلاس توں خطاب کریندے ہوئیں آکھی ۔انہاں آکھیا جو اتلے خلاتے انسانی انحصار تے ایندے استعمال اچ مسلسل ودھارا تھینداپیا ہے ،ایجھے حالات اچ اتلے خلا دے عسکری استعمال دے خطرے ودھدے پے ہن ،اتلی خلا کوں ہتھیاراں دی دوڑ تے تصادم دا علاقہ بنڑاونڑ توں بچاونڑ سانگے جامع اقدامات کرنڑیں ہوسن کیوں جو اے بنی نوع انسانیت دا سانجھا ورثہ ہے ۔انہاں آکھیا جو پاکستان ایں ضمن اچ معاہدے دے مسودے دی حمایت کریندا ہے ۔