حلب وچ بیرل بمب حملے ، باغیاں دی فائرنگ نال 13 بالاں سمیت 23 بندے ہلاک

حلب (پاکستان نیوز پوائنٹ 26اگست 2016ء) شامی شہر حلب وچ سیکورٹی فورسز ولوں کیتے گئے ہک بیرل بمب حملے دے نتیجے وچ 11 بال ہلاک تھی گئے۔جرمن ذرائع ابلاغ دے مطابق شامی خانہ جنگی تے نظر رکھنڑ آلی تنظیم سیریئن آبزرویٹری فار ہیومن رائٹس آکھیا اے جو ہے حلب شہر دے باغیاں دے قبضہ آلے علاقے باب النیرب وچ ڈھائے گئے بیرل بمب دی وجہ نال 15 شہری ہلاک تھئے جنہاں وچ 11 بال وی شامل ہن۔ لندن وچ قائم سیریئن آبزرویٹری دے مطابق حلب دے حکومتی قبضے آلے علاقے وچ باغیاں دی فائرنگ دے نتیجے وچ8 شہری ہلاک تھئے جنہاں وچ ڈو بال وی شامل ہن۔