واشنگٹن (پاکستان نیوز پوائنٹ 26اگست 2016ء) امریکہ پاکستان اتے افغانستان کوں آکھیا جو او دہشت گردی دے خلاف جنگ اچ ہک ڈوجھے نال تعاون کرن ۔امریکی محکمہ خارجہ دی ترجمان الزبتھ ٹروڈیو گزریل ڈینھ معمول دی پریس بریفنگ اچ افغان صدر ولوں کابل یونیورسٹی حملے دا منصوبہ پاکستان اچ بنڑاونڑ دے الزام تے کہیں قسم دے تبصرے توں انکار کریندے ہوئیں آکھیا جو الزام تراشی دی بجائے ڈوہیں ملکاں کوں دہشت گردی دے خلاف جنگ اچ ہک ڈوجھے دے نال تعاون کرنڑاں چاہیدے ۔
ترجمان آکھیا جو جیویں اساں ماضی اچ کیتا ہنڑ وی اساں ڈو ملکاں دی حوصلہ افزائی کریندے پیوں او ہک ڈوجھے دے نال تعاون کریسن توان مستقبل اچ ایجھے واقعات تھیونڑ توں رک ویسن ۔دہشت گرد گروپاں دے خلاف پاکستان ولوں کیتے ونجنڑ آلے سوال تے ترجمان پاک فوج دے سربراہ جنرل راحیل ریف دے اجوکے بیان دا حوالہ ڈتا جیں اچ انہاں واضح آکھیا ہے جو دہشت گردگروپاں دے خلاف بلا امتیاز کاروائی کیتی ویسی ۔
ایندے علاوہ امریکی وزیر خارجہ جان کیری امریکن یونیوسٹی کابل تے دہشت گردی دے حملے دی ودھ ساری مذمت کیتی ۔اپنڑے بیان اچ جان کیری آکھیا ہے جو دہشت گردی دا اے واقعہ تے دہشت گردایں طرح دے اقدامات نال امن دے قیام ولوں افغانستان دے سفر کوں روک نی سگدے ۔انہاں آکھیا جو امریکن یونیوسٹی کابل افغانیں سانگے امیددا مرکز بنڑی رہسی ۔
