کابل وچ امریکی یونیورسٹی تے حملے وچ ہلاکتاں دی تعداد 13تھی گئی،پولیس دا اپریشن مکمل ،2 حملہ آوروی ہلاک

کابل (پاکستان نیوز پوائنٹ 25اگست 2016ء) افغانستان دے دارالحکومت کابل دے مرکز وچ واقع امریکن یونیورسٹی تے حملے وچ7 طلبہ سمیت 13 بندے ہلاک تھی گئے ۔پولیس داآکھنڑ ہے جو 10 گھنٹیاں دے آپریشن دے بعد سکیورٹی فورسز ڈو حملہ آوراں کوں ہلاک کر ڈتا۔برطانوی نشریاتی ادارے دے مطابق ایہ حملہ بدھ دی شام کوں کیتا گیا۔ پولیس حکام دا آکھنڑ ہے جو یونیورسٹی وچ آپریشن مکمل کر گھدا گئے۔یونیورسٹی دے طلبہ اتے سٹاف ایں حملے دے دوران محصور تھی گئے ہن۔حالی تئیں کہیں تنظیم ایں حملے دی ذمے داری قبول نی کیتی۔ایں حملے وچ 7 طلبہ دے علاوہ 3 پولیس اہلکار اتے 3 گارڈوی ہلاک تھئے ہن۔ حملے وچ 35 طلبہ اتے 9 پولیس اہلکار زخمی تھئے ہن جڈانجو 750 طلبہ اتے سٹاف کوں حفاظت نال کڈھ گھدا گئے۔