اقوام متحدہ (پاکستان نیوزپوائنٹ20ستمبر2017ء) اقوام متحدہ دے سیکرٹری جنرل انٹونیو گوٹرش میانمار تے زور ڈتا ہے جو روہنگیا دے مسلماناں دے خلاف فوجی کاروائی وختی بند کرے ۔اقوام متحدہ دی جنرل اسمبلی دے 72ویں اجلاس توں منگل کوں خطاب کریندے ہوئیں سیکر ٹری جنرل انتو نیو گٹرس آکھیا جو اقوام متحدہ دے سابق سیکر ٹری جنرل کوفی عنان دی رپورٹ اچ جیرھیاں تجویزاں ڈتیاں گیاں ہن انہاں اچ روہنگیا دے مسلماناں کوں شہریت ڈیونڑ دی ضرورت تے زور ڈتا گیا لیکن میکوں اے واضح طور تے آکھنڑاں ہے جو میانمار دے حکام کوں وختی طور تے انہاں دے خلاف فوجی اپریشن بند کرنڑیں چاہیدے ہن تے بلا رکاوٹ اتھاں انسانی ہمدردی دی بنیاد تے امدا بھجواونڑ دی اجازت ڈیونڑیں چاہیدی ہے ۔
انہاں آکھیا جو روہنگیا دے مسلماناں دے خلاف میانمار دی حکومت دیاں کاروائیاں تے ساریں کوں ودھ ساری تشویش ہے ۔اقوام متحدہ دے سیکر ٹری جنر ل دا بیان میانمار دی رہنما آنگ سان سوچی دے قوم نال خطاب دے بعد سامنڑے آیا ۔ آنگ سان سوچی دے خطاب اچ عالمی برادری دی ایں تشویش کو ں پرے کائنی کیتا گیا جو روہنگیا دے مسلماناں دی نسل کشی دے حوالے نال موجود ہے ۔واضح رہے جو مغر بی ریاست رخائن اچ مسلماناں دی وڈے پیمانے تے نسل کشی کیتی ویندی پئی ہے ،انہاں تے ظلم تھیندا پیا ہے ہنڑ تئیں 4لکھ 17ہزار توں ودھ مسلمان گھر بار چھوڑ تے پڑوسی ملکاں اچ نقل مکانی تے مجبور تھی گے ہن ۔
