عراق، تھوڑی عمردا خود کش بمبار گرفتار، بارودی سرنگ دے دھماکے وچ برطانوی شہری ہلاک

بغداد(پاکستان نیوز پوائنٹ 23اگست 2016ء) عراق دے کرد علاقے دے جنگجوواں آکھیا اے جو انہاں کرکوک دی ہک مسیت ول ونجنڑ آلے نوعمر خود کش بمبار کوں حراست وچ گھن گھدا ہے۔ پولیس بال دی عمر چوداں سال ڈسائی ہے۔جرمن ذرائع ابلاغ دے مطابق اِیں با ل مشہور فٹ بالر میسی دی جرسی دے تلوں خودکش جیکٹ پاتی ہوئی ہائی۔ ڈوجھے پاسے عراق وچ ہک بارودی سرنگ دے پھٹنڑ نال ہک برطانوی شہری ہلاک تھی گئے۔ ایہ واقعہ رمادی وچ پیش آیا جتھاں ہک امریکی کمپنی عراقی سکیورٹی اہلکاراں دے نال رل مل تے بارودی سرنگاں اتے ڈوجھے بمب صاف کرنڑ دا سلسلہ جاری رکھے ہوئے ہن۔