سعودی شہر نجران وچ حوثی باغیاں دا راکٹ حملہ، 3 غیر ملکیاں سمیت 9 بندے جاں بحق

ریاض (پاکستان نیوز پوائنٹ 17اگست 2016ء) سعودی عرب دے نجران شہر وچ حوثی باغیاں دے ہک راکٹ حملے وچ 3 غیر ملکیاں سمیت 9 بندے جاں بحق تھی گئے ۔برطانوی نشریاتی ادارے دے مطابق ایہ راکٹ حملہ یمن دی سرحد دے نیڑے واقع جنوبی شہر نجران دے صنعتی علاقے وچ کیتا گیا ہے۔جیندے نتیجے وچ 6 سعودی شہری اتے ترائے غیرملکی ہلاک تھئے ہن ۔واضح رہوے جو یمن وچ جنگ دے آغاز توں گھن تے ہنڑ تئیں سعودی عرب دے جنوبی علاقیاں وچ حوثی باغیاں دے حملیاں نال 100 توں ودھ شہری اتے اہلکار ہلاک تھئے ہن ۔