امریکا، برطانیہ اتے ایشیاء وچ سونے دیاں قیمتاں وچ ودھار ا

لندن (پاکستان نیوزپوائنٹ 16اگست 2016ء) امریکا، برطانیہ اتے ایشیاء وچ سونے دیاں قیمتاں وچ ودھارا تھیا ہے جیندی وجہ نال ڈالر دی شرح تبادلہ وچ گھٹکی اتے امریکی فیڈرل ریزرو ولوں قرضیاں تے سود دی شرح وچ ودھارے دے امکانات معدوم تھیونڑ ہن۔نیویارک مارکیٹ وچ ڈوپہر ویلھے سپاٹ گولڈ دیاں قیمتاں 0.4 فیصد ودھ تے 1340.49 ڈالر فی اونس رہے۔امریکی سونے دے سودے 0.3 فیصد ودھارے دے نال 1347.50 ڈالر فی اونس تے طے تھئے۔

لندن مارکیٹ وچ وخفے دے بعد سپاٹ گولڈ دیاں قیمتاں 0.3 فیصد ودھ تے 1339.83 ڈالر فی اونس جڈانجو امریکی سونے دے سودے 0.2 فیصد ودھنڑ دے بعد 1345.30 ڈالر فی اونس رہے۔ایشین میٹل مارکیٹ وچ وی سونے دیاں قیمتاں وچ ودھارا تھیا ہے۔سپاٹ گولڈ دیاں قیمتاں 0.4 فیصد ودھ تے 1339.12 ڈالر فی اونس جدانجو امریکی سونے دے سودے 0.2 فیصد ودھارے دے نال 1345.80 ڈالر فی اونس رہے۔