سعودی تریمتیں سانگے سٹیڈیم ونجنڑ دے رستے کھل گئے

ریاض(پاکستان نیوزپوائنٹ09جنوری2018ء) سعودی عرب اچ تریمتیں آندے جمعہ توں سٹیڈیم ونج تے کھیڈاں دے مقابلے ڈیکھ سگسن۔عالمی ذرائع ابلاغ دے مطابق سعودی حکومت آکھے جو 12جنوری کوں الحئی بمقابلہ الباطن فٹ بال کلباں وچال تھیونڑ آلے میچ کو ں ڈیکھن سانگے تریمتیں کوں وی سٹیڈیم ونجنڑ دی اجازت ہو سی۔ ایہ پہلی وار تھئے جوسعودیہ جئے ملک اچ تریمتیں سٹیڈیم ونج تے میچ ڈیکھنڑ دے قابل ہوسن۔واضح رہوے جوسعودی حکومت گزریل سال دسمبر اچ اعلان کیتا ہا جو جاری سال تریمتیں تے لاتی گئی پابندی کوں ہٹا ڈتا ویسی۔