ماسکو (پاکستان نیوزپوائنٹ06نومبر2017ء) روس اچ آندے سال تھیونڑ آلے فیفا ورلڈ کہ دے دوران دہشت گردی دا خطرہ ہے جیں پاروں غیر معمولی اقدامات کیتے ویسن ،روس دے سل امتی امور دے ہک ماہر الیگزینڈر گولٹس آکھیا ہے جو14 جون توں 15 جولائی 2018 تئیں تھیونڑ آلے ورلڈ کپ دے دوران دہشت گردی دا خطرہ حقیقی طور تے موجود ہے ۔ایں توں پہلے 20سال تئیں روس کوں ودھ ساری دہشت گردی دا سامنڑا ں رہیا ہے جڈاں او چیچنیا اچ ڈو مختلف جنگاں لرڈا پیا ہئی لیکشن ستمبر 2015توں جڈاںروس بشارالاسد حکومت دا ساتھ ڈیونڑدا فیصلہ کیتا تاں دہشت گردی دے خطرے اچ خطرناک حد تئیں ودھارا تھیا ہے ۔
گولٹس فرانسیسی خبررساں ادارے کوں ڈسایا جو حکام تاں دولت اسلامیہ کوں تباہ کرنڑ دا دعویٰ کریندے ہن لیکن ہزاراں روسی جیرھے جو دہشت گردی اچ ملوث رہیے ہن واپس روس آندے پن ،روسی خفیہ ادارے ایف ایس بی دے مطابق مسلم اکثریتی ملکا ں دا کیسس نال تعلق رکھنڑ آلے 2900روسی جنگجو تے 2000توں چار ہزار وسطی ایشیا نال تعلق رکھنڑ آلے جنگجو وی روس اچ موجود ہن ۔روس دے ڈپٹی وزیراعظم ویٹالے موٹکوآکھیا ہے جو سکیورٹی انتظامات سانگے 30 بلین روبل (512 ملین ڈالر) رکھیے گن۔
