اسلام آباد (پاکستان نیوز پوائنٹ 03 فروری2016ء) مسلم لیگ (ن) دے رہنما اتے پارلیمانی سیکرٹری دفاع چوہدری جعفر اقبال آکھیا ہے جو پاکستان اپنڑے اندرلے معاملات اچ بھارت دی مداخلت برداشت کائناں کریسی ۔ریڈیو پاکستان نال گالھ مہاڑ کریندے ہوئیں انہاں آکھیا جو بھارت پاکستان کوں بلیک میل نی کر سگدا ۔رولے نال کامیابی دی امید انہاں دی غلط فہمی ہے ۔
انہاں آکھیا جو سوات ،وزیرستان ،بلوچستان تے کراچی سمیت بئے شہراں اچ دہشت گرداں دے خلاف کاروائی ،کہیںکوں گرفتاری تے تفتیش پاکستان دا اندرلا معاملہ ہے ۔حکومت پاکستان اپنڑیاں پالیسیاں خو د بنڑیندی ہے ایندے تے عمل در آمد کریندی ہے بھارت تے منہ تے اندرلی مداخلت جچدی کائنی کیوں جو او خود اندرلے انتہا پسند ،اقلیت نال ناروا سلوک تے غربت اچ جکڑیا ہویا ملک ہے جڈاں جو وزیراعظم مودی دا کیریئر ہی بہوں انتہا پسندی تے شدت پسندی نال جڑیا ہویا ہے ۔
