ترجمان دفتر خارجہ محمد نفیس زکریادی ہفتہ وار پریس بریفنگ

ترجمان دفتر خارجہ محمد نفیس زکریادی ہفتہ وار پریس بریفنگ

اسلام آباد (پاکستان نیوز پوائنٹ 02 فروری2016ء) دفتر خارجہ آکھیا جو بھارت دے دفاعی بجٹ اچ ودھارے اتے بھارتی ہتھیاراں دی خریداری نال خطے اچ طاقت دا توازن متاثر تھی سگدے ،ایندے پاکستان اچ ریاستی عناصر نال مداخلت دے نقابل تردید شواہد موجود ہن ،آر ایس ایس کشمیریاں دی نسل کشی اچ ملوث اے،پاکستان ہائی کمیشن غلطی نال سرحد پار کرنڑ آلے نارووال دے ترائے شہریاں دی وطن واپسی سانگے بھارتی حکام نال رابطے اچ اے،ای سی او دا سربراہ اجلاس پہلی مارچ کوں اسلام آباد اچ تھیسی ،حسین حقانی ملک دے امیج کوں متاثر کرنڑ دی کوششاں اچ مصروف اے۔

اے گالھیں ترجمان دفتر خارجہ دے ترجمان محمد نفیس ذکریا خمیس کوں ہفتہ وار پریس بریفنگ وچال صحافیاں دے مختلف سوالاں دا جواب ڈیندیں ہوئیں آکھی۔انہاں آکھیا جو بھارت دے دفاعی بجٹ اچ ودھارے اتے بھاری ہتھیاراں دی خریداری نال خطے اچ امن دا توازن وگڑ سگدے،ایندے پاکستان اچ ریاستی عناصر دے ذریعے مداخلت دے ناقابل تردید شواہد موجود ہن ،آر ایس ایس کشمیریاں دی نسل کشی اچ ملوث اے۔

کویت ولوں پاکستان سمیت پنج مسلم ملکاں پرویز اپابندی بارے رپورٹ بارے ہک سوال دا جواب ڈیندیں ہوئیں ترجمان آکھیا جو امریکا اچ پاکستان دے سابق سفیر حسین حقانی پرانڑی خبر کوں ری ٹویٹ کیتے۔ترجمان آکھیا جو حسین حقانی جتنی ملک مخالف سرگرمیاں کریندے پئن اتنا ای او بے نقاب تھیسن۔حافظ سعید دی نظر بندی بارے بھارتی رد عمل تے تبصرہ کریندیں ہوئیں ترجمان آکھیا جو بھارت ڈوجھے ملکاں دے معاملیاں تے تبصرہ کرنڑ دی بجائے آپنڑے معاملے صحیح کرے۔انہاں آکھیا جو پاکستان دہشت گردی دے خلاف بلاامتیاز کاروائی کریندا پئے ۔