ڈیرہ اسماعیل خان کار حادثے اچ 2 تریمتاں سمیت ہک خاندان دے 6 بندے جاں بحق

اسلام آباد (پاکستان نیوز پوائنٹ 26جنوری2016ء) ڈیرہ اسماعیل خان اچ کارجھکے کھڈے اچ ونج پئی جیں پاروں 6 بندے جاں بحق اتے ہک بال زخمی تھی گیا ۔نجی ٹی وی دے مطابق صوبہ بلوچستان دے ضلع ژوب توں ڈیرہ اسماعیل خان آونڑ آلی کار دانا سر دی جاہ تے تکھی رفتار پاروں جھکے کھڈے اچ ونج پئی جیں پاروں 6بندے موقع تے جاں بحق تھی گے جڈاں جو ہک بال زخمی تھی گیا ۔ پولیس دے مطابق جاں بحق تھیونڑ آلیں اچ سراج الدین خروٹی’خدا داد خروٹی’خیر محمد اتے2تریمتاں شامل ہن،جاں بحق اتے زخمی تھیونڑ آلے لوکاں دا تعلق ہکے خاندان توں ہے ۔ ریسکیو ٹیماں جاں بحق لوکاں دیاں لاشاں تے زخمی بال کوں نیڑے دے ہسپتال منتقل کر ڈتا ۔