ہیڈمرالہ دی جاہ تے دریائے چناب تے پانڑیں دی آمد اچ ودھارا

ہیڈمرالہ دی جاہ تے دریائے چناب تے پانڑیں دی آمد اچ ودھارا

اسلام آباد (پاکستان نیوز پوائنٹ 26جنوری2016ء) ہیڈمرالہ دی جاہ تے دریائے چناب اچ پانڑیں دی آمد اچ ودھارا تھی گیا ہے ۔ نجی ٹی وی ہیڈ مرالہ اتھارٹی ولوں خبرڈیندے ہوئیں ڈسایا جو پنجاب اچ نہر آپر چناب ،نہرمرالہ راوی لنک ،نہرلوئر چناب اتے نہر آپرجہلم کنال کوں سالانہ مرمت سانگے بند کرنڑ ، مقبوضہ جموں کشمیر اتے سری نگر اچ گذریل ڈو ڈینھ توں جاری بارشاں پاروں دریائے چناب اچ ہیڈمرالہ دی جاہ تے پانڑیں دی سطح اچ ودھارا تھیندا پیاہے۔

گزریل شام دریائے چناب اچ پانڑیں دی گھٹکی دی 6086 کیوسک ریکاڈر کیتی گئی جڈاں جو ہیڈ خانکی سانگے پانڑیں دا اخراج 6086 کیوسک ہے۔ ڈوجھے پاسے دریائے مناو¿ رتوی اچ 403کیوسک اتے دریائے جموں توی اچ598 کیوسک پانی دی آمد ریکاڈر کیتی گی۔ ہیڈ مرالہ اتھارٹی داآکھنڑ ہے جو بارشاں پاروں پنجاب اچ زرعی اراضی تے نہری پانڑیں نال کاشت کیتیاں ونجنڑ آلیاں فصلاں کوں ضیان دا امکان ختم تھی گیا ہے ۔محکمہ انہار دے مطابق نالہ ہک ،نالہ ڈیک ،نالہ پلکھو اتے نالہ بھیڈ اچ وی پانڑیں دی سطح اچی تھیندی پئی ہے ۔