نیپراکوںوزارت پانڑیں تے بجلی د ے ماتحت کرنڑ دے خلاف درخواست تے حکومت،نیپرا،سانجھامفادات کونسل اتے وزارت پانڑیں تے بجلی کوںنوٹس جاری

لاہور(پاکستان نیوز پوائنٹ 16نوری2016ء) لاہور ہائی کورٹ نیپراکوںوزارت پانڑیں تے بجلی دے ماتحت کرنڑ دے خلاف وفاقی حکومت،نیپرا،سانجھا مفادات کونسل اتے وزارت پانڑیں تے بجلی کوںنوٹس جاری کریندے ہوئیں 20 جنوری تئیں جواب منگ گھدا ہے َ۔لاہور ہائیکورٹ دے چیف جسٹس ،جسٹس سید منصور علی شاہ تحریک انصاف دے جہانگیر ترین تے بئے دی درخواست تے سماعت کیتی۔

سماعت دے موقع تے درخواست گزار ولوںموقف اختیار کیتا گیا جو غیرآئینی طورتے نیپراکوںوزارت پانڑیں تے بجلی دے ماتحت کیتا گیا جڈاں جو بجلی اتے ریگولیٹرزتے پالیسیاں بنڑاونڑسانجھامفادات کونسل داکم ہے۔درخواست گزار استدعا کیتی جو لاہورہائیکورٹ نیپراکوںوزارت دے ماتحت کرنڑ دا اقدام غیرآئینی قرارڈیوے تے نیپراایکٹ دی دفعہ7دی ضمنی دفعہ6کوںغیرقانونی قرارڈتا ونجے ۔درخواست گزاردے مطابق وفاقی حکومت دے رولزآف بزنس دی دفعہ3دی ضمنی دفعہ3کوںغیرآئینی قرارڈتا ونجے ۔ جیں تے عدالت وفاقی حکومت،نیپرتے بئے فریقین کوں20 جنوری تئیں جواب جمع کراونڑ دا حکم ڈیندے ہوئیں انہاں کوں پیش تھیونڑ دا وی حکم ڈتا ہے ۔