لاہور(پاکستان نیوز پوائنٹ 16نوری2016ء) لاہور ہائی کورٹ فارما سیوٹیکل کمپنیاںتے ڈرگ ایکٹ دے تحت کارروائی دے خلاف دائر درخواست تے پنجاب حکومت اتے وفاقی حکومت توں 3 ہفتیں اچ جواب منگ گھدا ہے۔لاہور ہائیکورٹ دے جسٹس شاہد وحید پاکستان فارماسیوٹیکل ایسوسی ایشن دی درخواست تے سماعت کیتی۔ سماعت دے موقع تے درخواست گزار موقف اختیار کیتا جو ڈرگ انسپکٹر غیرقانونی طور تے دوا ساز کمپنیاں تے چھاپے مریندے پے ہن پنجاب حکومت کوں ڈرگ دے تحت کاروائیاں دا اختیار کائنی ،جڈاں جو دوائیاں دی انسپکشن سانگے بنڑائی گی ٹاسک فورس کوں قنونی تحفظ حاصل کائننی ۔
درخواست گزار دے مطابق ڈرگ ایکٹ وفاق دا قنون ہے ایندے تحت پنجاب اچ کاروائیاں غیر قنونی ہن لہٰذا استدعا ہے جو ڈرگ ایکٹ دے تحت فارماسیوٹیکل کمپنیاں دے خلاف کارروائیاں روکنڑ دا حکم ڈتا ونجے۔
