جیڑھی سکیورٹی فوجی عدالتاں کوں ڈتی گئی ہئی اگر اوسکیورٹی سول عدالتاں کوں ڈتی ونجے تاں چنگے نتیجے ملسن، وفاقی وزیر اکرم خان درانی

اسلام آباد (پاکستان نیوز پوائنٹ 09جنوری2016ء) وفاقی وزیر ہائوسنگ اینڈ ورکس اکرم خان درانی آکھیا جو جیڑھی سکیورٹی فوجی عدالتاں کوں ڈتی گئی ہئی اگر اوسکیورٹی سول عدالتاں کوں ڈتی ونجے تاں چنگے نتیجے ملسن،جے یو آئی شروع ڈینھ توں فوجی عدالتاں دی مخالفت کیتی ہئی ،اج دا پاکستان ترقی آلے پاسے ٹردا پئے ۔سنوار کوں پارلیمنٹ ہائوس دے باہر میڈیا نال گالھ مہاڑ کریندیں ہوئیں انہاں آکھیا جو جے یو آئی فوجی عدالتاں دے قیام ویلھے مخالفت کیتی ہئی،اوندی وڈی وجہ اے ہئی جو سول عدالتاں توں عوام دا اعتماد مُک نہ ونجے،جیڑھی سکیورٹی فوجی عدالتاں کوں ڈتی گئی ہئی اگر اوسکیورٹی سول عدالتاں کوں ڈتی ونجے تاں چنگے نتیجے ملسن۔