وزیراعظم دی مشیر عرفان صدیقی دی آزاد جموں تے کشمیردے صدر سردار مسعود خان نال گالھ مہاڑ

وزیراعظم دی مشیر عرفان صدیقی دی آزاد جموں تے کشمیردے صدر سردار مسعود خان نال گالھ مہاڑ

اسلام آباد (پاکستان نیوز پوائنٹ 09جنوری2016ء) وزیراعظم دے مشیر قومی تاریخ تے ادبی ورثہ عرفان صدیقی آکھیا جو علم تے ادب دے فروغ قوماں دے عزم تے ارادہ کوں زندہ رکھنڑ سانگے ضروری اے۔اے گالھ انہاں آزاد جموں تے کشمیر دے صدر سردار مسعود خان نال گالھ مہاڑ کریندیں ہوئیں آکھی جنہاں سنوار کوں مشیر وزیراعظم دے دفتر اچ انہاں نال ملاقات کیتی۔عرفان صدیقی اہل قلم کانفرنس اچ صدر آزاد کشمیر دی شرکت تے انہاں دا شکریہ ادا کریندیں ہوئیں آکھیا جو قومی تریخ تے ادبی ورثہ ڈویژن اتے اوندے ماتحت کم کرنڑ آلے ادارے کشمیر کاز سانگے حاضر ہن ۔

پاکستان دی تریخ،ادب اتے جغرافیہ کشمیر نال جڑیا ہوئیا اے۔انہاں آکھیا جو وڈے توں وڈا ظلم محکموم انساناں دے جذبے آزادی کوں نی ہرا سگدا۔ادیب،شاعر،دانشور اتے قلم کار اہل کشمیر اتے انہاں دے حق سانگے جدوجہد اچ ہراول دستہ بنڑ سگدن۔عرفان صدیقی آکھیا جو بہوں جلدی ضرب قلم اتے کشمیر کانفرنس آزاد کشمیر اچ تھیسی۔صدر آزاد کشمیر ایں کانفرنس دی میزبانی دی پیشکش کیتی۔