اسلام آباد (پاکستان نیوز پوائنٹ 05جنوری2016ء) پاکستان کونسل چین دے ایگزیکٹو ڈائریکٹرڈاکٹر فضل الرحمن آکھیا ہے جوپاک چین اقتصادی راہداری منصوبے نال معاشی ترقی دیاں نویاں رہواں کھلسن ۔ذرائع ابلاغ نال گالھ مہا ڑ کریندے ہوئیں انہاں آکھیا جو پاک چین اقتصادی راہداری منصوبیں اچ پاکستان دے چارے صوبیں دی دلچسپی اتے اتفاق رائے نال اے گالھ واضح تھی ویندی ہے جو چارے صوبے دیاں حکومتاں تے عوام ہک مٹھ ہن ایں منصوبے نال معاشی ترقی دیاں نویاں رہواں کھل ویسن جیں نال ملک دے سارے علاقیں اچ خوشحالی امسی ۔
انہاں آکھیا جو چینی معیشت دنیا اچ ڈوجھی وڈی معیشت ہے ایں سانگے روس ترکی تے ایران اتے کجھ بئے ملکاں ایں منصوبے اچ دلچسپی دا اظہار کیتا ہے ڈاکٹر فضل آکھیا جو سی پیک دے جاری ترقیاتی منصوبیں اچ غیر ملکی سرمایہ کاری پاکستان دی کامیابیاں دی ضمانت ہے
