پاک چین اقتصادی راہداری منصوبے دا تریجھا مرحلہ مئی 2017 اچ پورا تھی ویسی،چیئرمین گوادر بندرگاہ اتھارٹی

پاک چین اقتصادی راہداری منصوبے دا تریجھا مرحلہ مئی 2017 اچ پورا تھی ویسی،چیئرمین گوادر بندرگاہ اتھارٹی

اسلام آباد (پاکستان نیوز پوائنٹ 05جنوری2016ء) گوادر بندرگاہ اتھارٹی دے چیئرمین دوستین جمال دین آکھیا ہے جو پاک چین اقتصادی راہداری منصوبے دا تریجھا مرحلہ مئی 2017 اچ پورا تھی ویسی۔ ذرائع ابلاغ نال گالھ مہاڑ کریندے ہوئیں انہاں آکھیا جو بیجنگ اچ تھیونڑ آلا جے سی سی دا چھیواں اجلاس ایں اعتبار نال اہمیت دا حامل ہے کیوں جو ایندے اچ پاکستان دے سارے صوبیں دے حکام پوری تیاری دے نال شریک تھے ۔

انہاں آکھیا جو اے او منصوبہ ہے جیں دے فائدے سارے صوبیں ،انہاں دے عوام تے خطے دے بئے ملکاں کوں فائدہ تھیسی ۔دوستین آکھیا جو چین پاکستان اقتصادی راہداری ڈوجھے مرحلے اچ داخل تھیندے پیوں جیرھا جو وختی تکمیلی مرحلے پورے کر گھنسی ۔انہاں آکھیا جو بلوچستان پاکستان دے کل رقبے دا 44فیصد ہے اتے چین پاکستان اقتصادی راہداری منصوبے نال ساریں کوں فائدہ تھیسی ایندے ذریعے سارے صوبیں کوں وی فائدہ تھیسی ۔انہاں آکھیا جو گوادر پورٹ دنیا اچ ساریں توں مصروف تے جھکی بند ر گاہواں اچوں ہک ہے جیں دے پورے طور تے فعال تھیونڑ نال پاکستان سمیت خطے تے دنیا اچ خوشحالی امسی ۔