کراچی،کالا پل دے نیڑے مکان دی چھت ڈھہہ ونجنڑ پاروں 10بندے زخمی تھی گے

کراچی (پاکستان نیوز پوائنٹ 02جنوری2016ء) کالاپل دے نیڑے مکان دی چھت ڈھہہ ونجنڑ پاروں 10بندے زخمی تھی گے ۔ایدھی ریس کیو دے مطابق اتوار تے سنوار دی وچلی رات کالا پل دے نیڑے ہک گھر اچ سالگرہ دی تقریب منائی ویندی پئی ہئی ایں دوران چھت دا ہک حصہ ڈھہہ پیا جیں اچ امیتاب،ہری چند،سمریا،بھاون،راج کماری اتے ندیم سمیت 10بندے زخمی تھی گے ہن زخمیاں کوں وختی طور تے جناح ہسپتال منتقل کر ڈتا گیا ہے ۔زخمیاں دی حالت خطرے توں باہر ڈسائی ویندی ہے ۔