وزیر اعظم پروگرام دے تحت طالبات سانگے ڈو نویں کورسز کل توں شروع تھیسن

ملتان(پاکستان نیوز پوائنٹ 02جنوری2016ء) نینگراں اچ پیشہ وارانہ مہارت اتے انہاں کوں روزگار دے قابل بنڑاونڑسانگے وزیراعظم یوتھ سکلز ڈویلپمنٹ پروگرام دے تحت 4جنوری توں ڈو نویں کورسز شروع تھیسن۔ایں پروگرا م دے تحت محکمہ سوشل ویلفیئر دے ادارے صنعت زار ملتان اچ 50مستحق طالبات کوں داخلہ ڈے ڈتا گئے ۔صنعت زار ملتان اچ پہلے ای 12مختلف کورسز اچ طالبات کوں تربیت ڈتی ویندی پئی اے۔جیڑھے کورسز 4جنوری توں شروع کیتے ویندے پئن انہاں اچ ڈریس میکنگ اتے بیوٹیشن شامل ہن ۔ایں وچال طالبات کوں ماہانہ وظیفے وی ڈتے ویسن۔