اسلام آباد (پاکستان نیوز پوائنٹ 02جنوری2016ء) وفاقی محتسب 201دے دوران 90 ہزارتوں ودھ شکایتاں دا فیصلہ کرتے عالمی ریکارڈ قائم کر ڈتا ،گذریل چا ل سال دے دوران 3 لکھ 40 ہزار توں ودھ شکایتاں دا فیصلہ کیتا گیا ہے اتے اے ہک عالمی ریکارڈ ہے کیوں جو پوری دنیا اچ کہیں ہک محتسب دے دور اچ اتے فیصلے کائنی کیتے گے ۔وفاقی محتسب دے ادارہ ولوں جاری اعداد شمار دے مطابق وفاقی محتسب محمد سلمان فاروقی دے 4سالہ دور اچ واپڈا دے خلاف 157215'سوئی گیس30702' نادرا18578'علامہ اقبال اوپن یونیورسٹی 8419'جڈاں جو یلوے دے خلاف 3114شکایتاں دے فیصلے کیتے گے ہن ۔
وفاقی محتسب دا ادارہ وفاقی سرکاری اداریںدے خلاف مجموعی طور تے 3 لکھ 40 ہزار توں ودھ شکایتاں تے فیصلے کر چکیا ہے ۔ترجمان دے مطابق سال2016 ء اچ واپڈا دے خلاف ساریں توں ودھ شکایتاں ملیاں جیں اچ مجموعی طور تے55751 شکایتاں دے فیصلے کیتے گے ہن ۔واپڈا دے بعد بالترتیب سوئی گیس دے خلاف 4765'علامہ اقبال اوپن یونیورسٹی دے خلاف 1182 نادرادے خلاف4051 ' اتے پاکستان ریلوے دے خلاف 808' شکایتاں دی فیصلے کیتے گے ہن۔
وفاقی محتسب دے ترجمان دے مطابق وفاقی محتسب سیکرٹریٹ اچ دائر کیتی گی ہر شکایت 45 ڈینھ دے اندر اندر نبیڑ ڈتی ویندی ہے۔انہاں آکھیا جو اساڈے افسراں ہک پائلٹ پراجیکٹ دے تحت تحصیل ہیڈ کوارٹر ز اچ ونج تے شکایتاں دی سماعت کریندے ہن تے انہاں دا فیصلہ 25ڈینھ اچ کیتا ویندا ہے ۔ترجمان ڈسایا جو محتسب دے قنون اچ 60 ڈینھ دے اندر شکایات دا فیصلہ کرنڑ دا وقت مقرر ہے لیکن موجودہ وفاقی محتسب دے دوراچ 2016اچ ساریاں شکایتاں دے فیصلے 45ڈینہا ںاچ کیتے گے اے وی ہک ریکارڈ ہے
