اسلام آباد (پاکستان نیوز پوائنٹ 02جنوری2016ء) وزارت منصوبہ بندی تے ترقیات سرکاری شعبے دے ترقیاتی پروگرام اچ مختلف وزارتاں تے ڈویژناں دے ترقیاتی منصوبیں سانگے مجموعی طور تے 2کھرب 79ارب 47کروڑ58لکھ توں ودھ دے فنڈز جاری کر ڈتے ہن ،حکومت اجوککے مالی سال دے سرکاری شعبے دے ترقیاتی پروگراماں سانگے 8کھرب دے فنڈز رکھیے ہن ۔پلاننگ کمیشن دے جاری اعداد شمار دے مطابق حکومت پائیدار ترقیاتی اہداف سانگے 20ارب روپے عارضی طور تے بے گھر لوکاں دی بحالی سانگے 42ارب روپے ایرا سانگے 2ارب 93کروڑ روپے ۔
واپڈا سیکٹر سانگے 41ارب 26کروڑ پرائم منسٹر یوتھ ہنرمند پروگرام سانگے 7ارب 94کروڑ، ریلویز ڈویژن سانگے 13ارب 99کروڑ، پاکستان اٹامک انرجی کمیشن سانگے 9ارب، ملک اچ صحت دیاں سہولتاں چنگیاں بنڑاونڑ سانگے 7ارب 58کروڑ، ہائر ایجوکیشن کمیشن سانگے 8ارب 54کروڑ، ہائوسنگ اینڈ ورکس سانگے 2ارب 59کروڑ، کیڈ ڈویژن سانگے 84کروڑ اتے کابینہ ڈویژن سانگے 20کروڑ سمیت مختلف ترقیاتی منصوبیں سانگے فنڈز جاری کر ڈتے ہن ۔
