اسلام آباد (پاکستان نیوز پوائنٹ 21دسمبر2016ء) انتخابی قنون 2017دے مسودے اچ سینیٹ دے انتخابات اچ امیدوار کیتے خرچے دی حد 15 لکھ اتے قومی اسمبلی کیتے 40لکھ روپے رکھنڑدی تجویز ڈتی گئی ہے ۔ انتخابی اصلاحات کمیٹی ولوں پیش کیتیاںگیاں ڈوجھیاں عبوری رپورٹاں دے مطابق کہیں وی اسمبلی دی عمومی نشست تے انتخابات اچ حصہ گھنڑ آلے امیدوارکیتے لازم ہوسی جو او کہیں شیڈولڈ بینک اچ ایں خاص مقصد کیتے آپنڑاں مخصوص اکاﺅنٹ کرے جیندے ذریعے سارے انتخابی اخراجات کیتے ونجن جڈانجو امیدوارولوں ایں اکاﺅنٹ اچ ایندے اخراجات دی حد دے برابر رقم جمع کراونڑ دی تجویز ڈتی گئی ہے ۔
ذرائع دے مطابق سینیٹ دی نشست اُتے حصہ گھنڑ آلے امیدوار کیتے انتخابی اخراجات دی حد 15لکھ ، قومی اسمبلی دی نشست تے 40لکھ جڈانجو صوبائی اسمبلیاں دی نشست اُتے انتخابی اخراجات دی حد 20لکھ روپے رکھنڑ دی تجویز ڈتی گئی ہے ۔ امیدوار ولوں انتخابات دے 30ڈینھ اچ آپنڑیں اخراجات دی تفصیلات جمع کراونڑ لازمی ہوسی ۔ ایندے نال نال امیدوار کوں ریٹرننگ آفیسر کوں تفصیلات دے نال بل اتے رسیداں جڈانجو بینک سٹیٹمنٹ وی جمع کراونڑاں لازمی ہوسی ۔
