اسلام آباد(پاکستان نیوز پوائنٹ 21دسمبر2016ء) داسو ڈیم دی تعمیر نال 5400 میگا واٹ بجلی پیداتھیسی ۔ ریڈیو پاکستان واپڈا بارے ڈسایا جو وفاقی حکومت داسو ڈیم دی تعمیر کیتے زمین دے حصول دے عمل کوں تکھا کردتے ۔ وفاقی حکومت ایں منصوبے اتے سرکاری شعبے دے ترقیاتی پروگراماں کیتے 42 ارب روپے دی منظور ڈے ڈتی ہے ۔ داسو ڈیم دی تعمیر اچ درکار فنڈز اچ تعاون سانگے عالمی بینک اتے چین رضامندی ظاہر کیتی ہے ۔
ڈیم دے پورے تھیونڑ نال ایندے توں پنج ہزار چار سو میگا واٹ بجلی پیداتھیسی ۔ ڈوجھے پاسوں خیبر پختونخوا دے وزیر اعلی پرویز خٹک آکھے جو اٹھ لکھ ایکڑ رقبے کوں قابل کاشت بنڑاونڑ کیتے سارے صوبے اچ بئے نِکے ڈیم تعمیر کیتے ویندے پئے ہن ۔ انہاں آکھیا جو صوبے اچ ہنڑ تئیں 16 نِکے ڈیماں دی تعمیر پوری تھی گئی ہے ۔ جڈانجو 18 ڈیماں دی تعمیر تے کم جاری ہے ۔
