سراجیوو (پاکستان نیوز پوائنٹ 20دسمبر2016ء) وزیراعظم محمد نواز شریف منگل کو ںبوسنیا دے ترائے ڈینھ دے دورے تے پج گئے ہن ۔ بوسنیا دے وزیر ٹرانسپورٹ ازمیر جیسکو اتے بئے اعلیٰ حکام بوسنیائی دارالحکومت اچ وزیراعظم اتے انہاں دے وفد دا انٹرنیشنل ہوائی اڈے تے پرتپاک خیر مقدم کیتا۔ ایں موقعے تے بوسنیا اچ پاکستان دے سفیر لیفٹیننٹ جنرل (ر) سلیم نواز اتے بوسنیائی سفیر ندیم مکاروک وی موجود ہن ۔
وزیراعظم جیہڑے ویلھے طیارے توں لتھے تاں انہاں کوں گارڈ آف آنر پیش کیتا گیا۔ روایتی لباس اچ ملبوس بالیں وزیراعظم کوں گلدستے پیش کیتے ۔ وزیراعظم 20 توں 22 دسمبر تئیں بوسنیا دی وزراءکونسل دے چیئرمین (وزیراعظم) ڈاکٹر ڈینس زیودے وچ دی دعوت تے اے دورہ کریندے پئے ہن ۔ بیگم کلثوم نواز تے وزیر اعظم دے معاون خصوصی برائے خارجہ امور طارق فاطمی وی وزیر اعظم دے نال ہن ۔ دورے دے دوران وزیراعظم محمد نواز شریف آپنڑیں ہم منصب نال کلہی ملاقات کریسن ،جیندے اچ آپسی دلچسپی دے ڈوطرفہ، علاقائی اتے عالمی امور اُتے گالھ مہاڑ کیتی ویسی ۔بعد اچ ڈوہائیں پاسوں وفود دی سطح تے وی مذاکرات تھیسن۔
