اسلام آباد (پاکستان نیوز پوائنٹ 22نومبر2016ء) الیکشن کمیشن دے ممبراں دی ریٹائرمنٹ دے حوالے نال آئین دے آرٹیکل 218 اتے 215 وچ ترمیم دا بل قائمہ کمیٹی برائے انتخابی اصلاحات وچ زیر بحث گھن آونڑ اتے محرک کوں اجلاس وچ سڈنڑ تے قومی اسمبلی وچ اتفاق تھیا ہے۔ منگل کوں قومی اسمبلی وچ محمد مزمل قریشی تحریک پیش کیتی جو دستور (ترمیمی) بل 2016ءپیش کرنڑ دی اجازت ڈتی ونجے ۔
بل دے اغراض تے مقاصد بیان کریندے ہوئیں انہاں آکھیا جو آئین دے آرٹیکل 218 اتے 215 وچ ترمیم دے ذریعے 45 ڈینھ دا ٹائم فریم الیکشن کمیشن دے ارکاناں دی ریٹائرمنٹ دے حوالے نال ہے۔ ہک رکن دی ریٹائرمنٹ نال کم رک ویندا ہے۔ ترمیم نال ا یہ مسئلہ حل تھی ویسی۔ وزیر قنون زاہد حامدآکھیا جو انتخابی اصلاحات وچ اساں ایں مسئلے دا وڈی احتیاط نال جائزہ گھندے پئے ہسے۔ مزمل قریشی آکھیا جو اساڈے ایں بل کوں انتخابی اصلاحات کمیٹی دے سپرد کرڈتا ونجے ۔ زاہد حامدآکھیا جو بل واپس گھن گھدا ونجے۔ اساں انہاں دیاں تجویزاں کوںزیر بحث گھن آوسوںِِ،اساں فاضل رکن کوں اجلاس وچ مدعو کرگھنسوں، ایندے بعد محرک تحریک تے زور نہ ڈتا۔
