انسانی اعضاءاتے عضلات دی پیوند کاری دا بل قومی اسمبلی وچ پیش، بئی کارروائی سانگے متعلقہ قائمہ کمیٹی دے سپرد

اسلام آباد (پاکستان نیوز پوائنٹ 22نومبر2016ء) انسانی اعضاءاتے عضلات دی پیوند کاری دا بل قومی اسمبلی وچ پیش کرڈتا گئے جیکوں بئی کارروائی سانگے متعلقہ قائمہ کمیٹی دے سپرد کرڈتا گئے۔ منگل کوں قومی اسمبلی وچ پروین مسعود بھٹی تحریک پیش کیتی جو انسانی اعضاءاتے عضلات دی پیوندکاری (ترمیمی) بل 2016ءپیش کرنڑ دی اجازت ڈتی ونجے۔ بل دے اغراض تے مقاصد بیان کریندے ہوئیں انہاں آکھیا جو بل دی منظوری نال انسانی عضلات دی پیوند کاری نال پہلے عطیہ کرنڑ آلے کوں درجہ اول مجسٹریٹ یا کمیشن دے سامنڑے پیش تھیونڑپوسی۔

وفاقی وزیر قنون زاہد حامد آکھیا وج گزریل ڈینھ سینٹ وچ ایں نوعیت دا بل پیش تھیا ہے۔ بل کوں کمیٹی دے سپرد کرڈتاونجے۔ ایوان توں اجازت ملنڑ تے پروین مسعود بھٹی بل ایوان وچ پیش کیتا جیرھا جو متعلقہ کمیٹی دے سپرد کرڈتا گئے ۔