بس اتے موٹرسائیکل اچ تصادم،14سالہ طالب علم جاںبحق،2بھرا زخمی

ملتان(پاکستان نیوز پوائنٹ 12نومبر2016ء) ملتان اچ بجلی گھر چوک دے نیڑے بس موٹرسائیکل سوارکوںکچل ڈتا،جیندے نال طالب علم جاںبحق تھی گیا، جڈانجو ایندے ڈو بھرا زخمی تھی گئے ۔ ریسکیو1122دے مطابق وستی غریب آباد دے واسی 17سال دا جمشید،12سال دا وقاص اتے 14سال دا شہباز موٹرسائیکل اُتے سکول ویندے پئے ہن جو رستے اچ بجلی گھرچوک دے نیڑے تیزرفتار بس ا نہاں کوں کچل ڈتا جیندے نال 14سال دا شہبازموقعے تے مر گیا جڈانجو وقاص اتے جمشید زخمی تھی گئے ۔ زخمیاں کوں نشترہسپتال منتقل کیتا گیا۔ڈرائیور موقعے توں فرارتھی گیا۔ پولیس بس قبضے اچ گھن تے کارروائی شر وع کرڈتی ہے ۔