ڈیرہ غازیخان بورڈ میٹرک ضمنی امتحان 2016دے نتیجے اعلان کرڈتے ،کامیابی دا تناسب 50.45فیصدریہا

ڈیرہ غازیخان بورڈ  میٹرک ضمنی امتحان 2016دے نتیجے اعلان  کرڈتے ،کامیابی دا تناسب 50.45فیصدریہا

ڈی جی خان(پاکستان نیوز پوائنٹ 12نومبر2016ء) ثانوی و اعلی ثانوی تعلیمی بورڈڈیرہ غازیخان میٹرک ضمنی امتحان 2016دے نتیجے دا اعلان کر ڈتے اتے کامیابی دا تناسب 50.45فیصد ریہا . ڈپٹی کنٹرولر امتحانات شیخ امجد حسین ڈسایا جو امتحان اچ 4965، امیدواراں شرکت کیتی اتے 2505 کامیابی حاصل کیتی . انہاںآکھیا جو سارے امیدوار پرائیویٹ ہن ، رزلٹ کارڈ دی ترسیل 15نومبر تئیں کرڈتی ویسی ، جڈانجو 19نومبر تئیں رزلٹ کارڈ نہ ملنڑ دی صورت اچ بورڈدی متعلقہ برانچ نال رابطہ کیتا ونج سگدے ، شیخ امجد حسین ڈسایا جو کہیں وی مضمون دی ری چیکنگ کیتے 27نومبر تئیں درخواستاں دتیاں ونج سگدیاں ہن ، انہا ںڈسایا جو میٹرک ضمنی امتحان اچ نقل اتے بئے غیر قنونی ذرائع استعمال کرنڑ دے ترائے مقدمے درج تھئے ہن ۔

انہاں دسایا جو ضمنی امتحان اچ کامیاب امیدوار یاہرویں جماعت اچ داخلہ گھنڑ دے اہل ہوسن، اتے او تعلیمی اداریاں اچ 30نومبر تئیں داخلہ گھن سگدے ہن ، ایں توں علاوہ میٹرک سالانہ امتحان پہلی مارچ 2017توں شروع تھیسی جیندے کیتے داخلہ فارم 15نومبر توں 14دسمبر تئیں جمع کروائے ونج سگدے ہن ۔