رحیم یار خان(پاکستان نیوز پوائنٹ 9نومبر2016ء) پنجاب پروفیسرز اینڈ لیکچررز ایسوسی ایشن بہاول پور ڈویژن دے صدر پروفیسر رفیق احمدخاں لغاری آکھیا ہے جو ڈاکٹرعلامہ محمداقبالؒ حساس دل تے دماغ دے مالک ہن ،جنہاں پاکستان دا تصور پیش کرتے بر صغیر دے مسلماناں اچ جیونڑ دی ہک نویں روح پا ڈتی ۔علامہ اقبال دے 139ویں جمنڑے دے ڈینھ دے حوالے نال گالھ مہاڑ کریندے ہوئیں انہاں آکھیا جو انہاں دا شاعری اچ بیداری ،خودی اتے عشق رسول ﷺ دا سنھیا ہے جیرھا جو ہمیشہ مسلماناں سانگے مشعل راہ بنڑی ہے ۔
علامہ اقبال دا فلسفہ خودی قوماں دے فکری تے سماجی عروج دا ضامن ہے ،ایہا وجہ ہے جو کلام اقبال دنیا دی ہر کنڈ اچ پڑھیا ویندا ہے اتے مسلماناںعالم اینکوں وڈی عقیدت نال پڑھدے ہن اتے انہاں دے فلسفے کوں عملی جامہ پواونڑ دی کوشش کریندے ہن ،انہاں نویں نسل اچ ہک انقلابی روح پاڈتی اتے اسلامی عظمت کوں نشابر کیتا ۔
