ڈاکٹر علامہ اقبال ساری زندگی نینگراں کوں ترقی دے حصول سنگے مٹی نال محبت دا درس ڈیندے رہیے ۔رئیس خالق داد چاچڑ

رحیم یار خان(پاکستان نیوز پوائنٹ 9نومبر2016ء) ڈاکٹر علامہ اقبال ساری زندگی نینگراں کوں ترقی دے حصول سنگے مٹی نال محبت دا درس ڈیندے رہیے۔علامہ اقبال جیہوجی شخصیت صدیاں بعد پیدا تھیندی ہے انہاں دا کلام قیامت تئیں اساڈی نسلاں دی رہنمائی کریسی ۔اے گالھ مہاڑ صوبائی نائب صدر مسلم لیگ فنکشنل پنجاب رئیس خالق دا د چاچڑ ایڈووکیٹ مسلم لیگ فنکشنل دیاں تریمتاں تے رہنما اتے عہدیداراں نال ملاقات دے موقع تے کیتی ۔

انہاں آکھیا جو علامہ اقبال نینگراں دی بے پرواہی ،بے فکری ،بے نیازی اتے آرام طلبی اتے مغربی انداز دی اندھا دھند تقلید دے سخت مخالف ہن انہاں اپنڑی شاعری دے ذریعے امت مسلمہ دے بے جان جسم اچ نویں روح پا ڈتی او 20ویں صدی دے عظیم مفکر ،شاعر اتے صاحب بصیرت سیاستدان ہن ،رئیس خالق داد چاچڑ آکھیا جو شاعر مشرق علامہ محمد اقبال دے فلسفہ خودی شمشیر آبدار دا کم کیتا جیں غلامی دیاں زنجیراں اچ وٹھیے مسلماناں دے دلاں اچ آزادی دی شمع روشن کیتی ۔